Јеменските бунтовници Хути ја презедоа одговорноста за денешниот бран напади врз Израел, тврдејќи дека испукале балистичка ракета и неколку беспилотни летала кон израелски цели.
Според нивните информации, ракетата го погодила аеродромот „Бен Гурион“ во близина на Тел Авив, а дополнително биле лансирани два дрона со цел да се погодат воени и стратешки точки во областа на Тел Авив и во Ашкелон.
Израелската армија веднаш реагирала и соопштила дека ракетата се распаднала во воздух, а нејзините делови паднале во централен Израел без да предизвикаат голема штета. Притоа бил пресретнат и еден дрон, додека вториот воопшто не ја достигнал територијата на Израел.
Во последните месеци ова е уште еден во низата неуспешни обиди на Хутите да погодат цели во Израел, додека тензиите на Блискиот Исток продолжуваат да растат.
