МВР информира дека рано утринава, околу 00:10 часот, полициски службеници од ОВР Неготино го лишиле од слобода 25-годишниот Д.Ш. од неготинско село, по пријава за семејна расправија која прераснала во закани и напад.
Според пријавеното, 25-годишникот, кој имал здравствени проблеми, во семејниот дом со остар предмет се заканувал кон неговата 62-годишна мајка и физички ја нападнал.
За среќа, жената не се здобила со повреди.
По интервенцијата, полициските службеници го привеле Д.Ш. и го задржале во полициска станица за понатамошна постапка.
За случајот бил известен и јавен обвинител, како и Центарот за социјални работи Неготино.
Од МВР информираат дека се преземаат мерки за целосно расчистување и документирање на настанот, по што против 25-годишникот ќе биде поднесен соодветен поднесок.
