Едно лице го загуби животот во тешка авионска несреќа во близина на аеродромот Чендлер во американската сојузна држава Аризона. Мал авион се урнал во близина на пистата, а спасувачките екипи кои пристигнале на местото на несреќата го пронашле леталото целосно уништено.
Според информациите објавени од американските медиуми, противпожарните служби добиле пријава за пад на авион, по што веднаш биле испратени екипи на терен. Точната локација на несреќата била утврдена со помош на контролата на летање од аеродромската кула.
Несреќата се случила во вторникот околу 19:50 часот по локално време, во близина на крстосницата на улиците Меквин и Квин Крик. Кога пристигнале итните служби, на местото биле пронајдени остатоците од авионот и телото на едно лице, за кое лекарските екипи констатирале дека починало на самото место.
Засега не е официјално потврден идентитетот на загинатиот, но според првичните информации се претпоставува дека станува збор за лицето кое управувало со леталото.
По несреќата започна истрага за да се утврдат причините за падот. Противпожарната служба на Чендлер соопшти дека соработува со аеродромските власти, полицијата и Федералната управа за цивилно воздухопловство (FAA) во рамките на истрагата.
Надлежните служби треба да утврдат дали причината за трагедијата била технички проблем, грешка на пилотот или друга околност. Повеќе детали се очекуваат по завршувањето на официјалната истрага.
