Трагедијата што го потресе Кочани доби уште една црна страница – денес почина 63-тата жртва, поранешниот полицаец Владо Петров. Веста ја потврди Независниот синдикат на полицијата.
Според нив, Петров, кој бил во пензија, бил испратен во притвор поради документ поврзан со паркинг-просторот пред една дискотека, потпишан додека бил главен инспектор за сообраќајни работи.
„Владо не го издржа притисокот,“ напишаа од синдикатот, додавајќи дека неговата смрт е уште еден потсетник на тешката човечка цена што ја понесе оваа трагедија.
