Најмалку седум лица го загубиле животот во тешка несреќа која рано утринава го потресе јужниот дел на Виетнам, откако автобус се запалил додека се движел по регионален пат.
Според информациите од виетнамските безбедносни служби, автобусот патувал на релација од покраината Лам Донг кон економскиот центар Хо Ши Мин, кога од засега непознати причини избувнал пожар во возилото.
Огнот за кратко време се проширил низ автобусот со 24 седишта, создавајќи опасна ситуација за патниците. Дел од луѓето кои се наоѓале во возилото останале заробени, додека спасувачките екипи пристигнале на местото на несреќата.
Министерството за јавна безбедност соопшти дека е започната истрага за да се утврди точната причина за избувнувањето на пожарот и сите околности кои довеле до трагичниот исход.
Локалните медиуми информираат дека во несреќата најмалку пет патници биле повредени, а спасувачките тимови продолжуваат со активности на терен. Во тек е и процесот на идентификација на загинатите лица.
Надлежните служби работат на расчистување на местото каде што се случила несреќата, додека јавноста очекува повеќе детали за причините поради кои автобусот зафатен од пламен.
