Трагичен инцидент се случил на фарма за крави во Горњи Таванкут, во близина на Суботица, каде што животот го загубил вработен работник откако бил нападнат од бик.
Според информациите од полицијата, несреќата се случила во утринските часови кога животното го нападнало работникот додека ги извршувал своите работни обврски. На местото веднаш пристигнале полициски екипи и Итна медицинска помош, но лекарите можеле само да ја констатираат смртта.
Неофицијално, починатиот бил долгогодишен земјоделски работник на фармата и добро ги познавал условите за работа со добитокот.
Полицијата извршила увид на местото на настанот, а случајот го презело Основното јавно обвинителство во Суботица, кое ќе ги утврдува сите околности и причините што довеле до трагичниот настан.
Истрагата е во тек.
