Бебе на возраст од два месеца починало синоќа во Општата болница во Кавадарци, соопшти Секторот за внатрешни работи Велес.
Според информациите од полицијата, вчера околу 21:35 часот било пријавено дека на детското одделение починало бебето.
– Бебето било хоспитализирано на 12 јануари 2026 година. И покрај пружената медицинска помош и изведената реанимација, не успеало да се спаси, истакнаа од СВР Велес.
Лекар констатирал смрт, а по насоки на јавен обвинител телото е дадено на обдукција за утврдување на причините за смртта.
