На северот од Танзанија, трагична сообраќајна несреќа се случи кога два автобуса се судрија, при што најмалку 38 лица ги загубија животите, а уште 30 се повредени. Инцидентот се случил синоќа во областа Сабасаба, во регионот Килиманџаро, а сударените возила се запалиле при ударот.
Претседателката на Танзанија, Самија Сулуху Хасан, изрази длабока тага и сочувство до семејствата на загинатите и поддршка до локалните власти. Таа повика на засилени мерки за безбедност во сообраќајот за да се спречат слични несреќи во иднина.
