На обиколницата околу Белград денеска се случила сообраќајна несреќа во која едно возило завршило превртено на покрив.
Несреќата се случила околу 11:30 часот, на делницата меѓу тунелите Липак и Железник, во правец кон Нови Сад, во близина на Орловача.
Според првичните информации, едно лице се здобило со полесни телесни повреди.
Од „Патишта Србија“ информирале дека поради несреќата сообраќајот се одвива само по претекнувачката лента и апелирале возачите да ја приспособат брзината на условите на патот.
Надлежните најавиле дека јавноста навремено ќе биде информирана кога сообраќајот целосно ќе се нормализира.
