Истрагата за страшното убиство на Фабио Колапиетро (39), чии останки беа пронајдени во стан во торинската населба Борго Виторија, добива сè подраматични димензии. Судијата на претходна постапка му одреди истражен притвор на Никол Формикети (47), професорка по италијански јазик во чиј стан се случило злосторството. Таа се товари за помагање и соучество во уништување и криење тело.
Во меѓувреме, наредена е обдукција на останките на жртвата, а задачата им е доверена на познатите лекари по судска медицина Роберто Тести и Грета Цени. Обдукцијата првично се сметаше за малку веројатна поради страшното состојба во која беа пронајдени деловите од телото.
Крекуван кокаин, халуциногени габи и ЛСД
Злосторството, според наводите на одбраната, се случило на 21 септември за време на повеќедневна приватна забава. Адвокатот Вилмер Перга, кој го застапува главниот осомничен, изјави дека присутните со денови консумирале „крек, халуциногени габи, ЛСД, канабис, синтетичка дрога МДПХП и големи количини žесток алкохол“, наведуваат медиумите.
Полицијата ја алармирала мајката на 26-годишниот Кристијан Матеус Де Оливеира Морандо, откако синот ѝ признал дека „повредил некого“. Кога полицијата упаднала во станот на професорката на четвртиот кат, затекнала језив призор — човечко тело раскомадано на делови.
Де Оливеира Морандо веднаш бил уапсен и се товари за убиство и уништување леш. Покрај него и професорката, приведена е и Кит Бутиг (22), исто така под обвинение за криење на злосторството.
Пресретнати разговоaри од чекалната
Најголемо внимание кај истражителите привлекоа аудио-снимките од чекалната во полициската станица во Торино. Таму Де Оливеира Морандо, во разговор со мајка си, изнесе тешки обвинувања на сметка на 47-годишната професорка.
„Таа професорка е како Сатана. цело време таа ја водеше главниот збор и ја контролираше ситуацијата. Единствената цел ѝ беше да најде начин како да се ослободиме од телото и да се врати на нормалниот живот“.
Соседите сведочат дека во станот на Никол Формикети, иначе професорка по книжевност во блискиот институт, имало „константен промет на непознати луѓе и дење и ноќе“. Откриено е и дека професорката оваа година воопшто не ја започнала учебната година со учениците поради наводни „лични проблеми“.
Одбраната во емотивен шок
Адвокатката на обвинетата професорка, Кјара Романо, изјави за медиумите дека нејзината клиентка е во исклучително тешка емотивна состојба и во целосен шок.
„Госпоѓата Формикети е во големи психички потешкотии, не само поради самиот настан, туку и затоа што ова ѝ е прв престој во затвор и прво соочување со кривичниот систем воопшто“, наведе Романо, додавајќи дека со колегите дури тепрва ќе проценуваат дали таа е способна да изнесе официјална одбрана.
Од друга страна, одбраната на обвинетиот младич се обидува да ја обори квалификацијата за свесна намера за убиство. Тие тврдат дека до смртта на Колапиетро дошло за време на физичка конфронтација и тепачка под тешко дејство на наркотици, како и дека убиството не било планирано. Се наведува и дека жртвата и убиецот воопшто не се познавале пред да се сретнат кобната вечер на споменатата забава.
