Полицијата привела 61-годишен маж од општина Маврово и Ростуше по пријава за семејно насилство врз неговата 49-годишна сопруга.
Според информациите од МВР, случајот бил пријавен синоќа, по што околу 19:30 часот интервенирале полициски службеници од Полициското одделение Ростуше.
Според пријавеното, М.Б. ја затворил својата сопруга во семејната куќа, каде што физички ја нападнал и ѝ упатувал закани.
Полициските службеници пристигнале на местото и ја ослободиле жената, а 61-годишникот бил лишен од слобода и задржан во полициска станица.
Од МВР информираат дека по целосното документирање на случајот против него ќе биде поднесена соодветна пријава.
