Поранешен американски војник е прогласен за виновен за бруталното двојно убиство на својата девојка и нејзиното шестмесечно бебе на Хаваи, злосторство што се случило во март 2020 година.
Според информациите од судскиот процес, Кендал Ремзи (28) ја нападнал својата 23-годишна девојка Кајла Холдер и нејзиниот шестмесечен син Каиону во станот во кој престојувале.
Обвинителството пред судот навело дека младата жена била избодена 38 пати, додека шестмесечното бебе претрпело 17 убодни рани.
По двојното убиство, Ремзи го напуштил местото. Неколку часа подоцна предизвикал сообраќајна несреќа, по што бил уапсен.
Шест години подоцна случајот стигна до пресуда. Ремзи го признал злосторството, но одбраната тврдела дека во моментот на нападот се наоѓал во состојба на тешко ментално и емоционално растројство.
Во текот на процесот биле изнесени тврдења дека како дете бил изложен на злоупотреба и дека страдал од депресија и посттрауматско стресно растројство. Поротата, сепак, не ги прифатила овие аргументи како основа за поблага правна квалификација и го прогласила за виновен за тешко убиство.
Ремзи останува во притвор без можност за кауција, а изрекувањето на казната е закажано за 18 ноември. Според информациите од случајот, му се заканува доживотен затвор.
