Пожар избувнал во стан во Скопје, при што 11-годишно девојче било пренесено во болница откако вдишало чад.
Според информациите од Министерството за внатрешни работи, вчера во 10:24 часот во СВР Скопје било пријавено дека на улицата „Воденска“ избувнал пожар во станбен објект.
На местото интервенирала екипа од Бригадата за противпожарна заштита – Скопје, која успеала да го локализира и изгасне пожарот.
Во меѓувреме, поради вдишување чад, 11-годишната малолетничка била преземена од екипа на Итната медицинска помош и транспортирана во Комплексот клиники „Мајка Тереза“ во Скопје.
Девојчето било пренесено во клиничкиот комплекс за да му биде укажана соодветна медицинска помош.
