СВР Велес поднесе кривична пријава против 63-годишниот М.И. од Скопје поради постоење основи на сомнение дека сторил кривично дело „даночно затајување“.
Случајот бил откриен на 2 септември 2026 година, кога бил извршен претрес во хотел во Велес. При контролата било утврдено дека пријавениот, како физичко лице, изнајмувал хотелски соби и за обезбеденото сместување наплатувал парични средства.
Според наодите, остварените приходи од изнајмувањето не ги пријавувал пред надлежниот даночен орган, ниту пак ги евидентирал како приход.
Поради сомнението за непријавување на остварените средства, СВР Велес против него поднесе соодветна кривична пријава за „даночно затајување“.
