35-годишна жена од Тетово е лишена од слобода по пријава дека физички ја нападнала својата 19-годишна ќерка. Во пријавата се наведуваат и наводи за несоодветно постапување кон десетмесечното бебе на 19-годишната девојка.
Од СВР Тетово информираат дека на 5 октомври во 23:40 часот од слобода била лишена З.М., откако во полиција било пријавено дека физички ја нападнала својата ќерка.
Според пријавата поднесена од 19-годишната девојка, нејзината мајка го запоставувала и малтретирала нејзиното десетмесечно бебе.
По пријавениот случај биле известени јавен обвинител и Центарот за социјални работи Тетово. Надлежните институции ќе преземат мерки и ќе постапуваат во рамките на своите законски надлежности.
Од МВР додаваат дека по целосното документирање на случајот против З.М. ќе биде поднесена соодветна пријава.
