Само неколку часа пред смртта на Присли Гербер се појавила снимка од неговиот престој во резиденцијата „Resolutions Living“ во Санта Моника. Според „Page Six“, видеото го снимил самиот Гербер вечерта на 19 септември, откако истиот ден бил примен во објектот.
На снимката тој се движи низ резиденцијата и ги снима спалната соба, балконот и останатите простории. Видеото е без звук, а според информациите на ТМЗ било направено околу 22 часот. Следното утро Гербер бил пронајден без знаци на живот во една од спалните соби.
Според извори на ТМЗ, неколку часа пред да пристигне во резиденцијата Гербер бил под дејство на супстанција, а неговата состојба наводно била забележлива. Изворите тврдат дека бил вознемирен и се плашел дека ја губи контролата.
Со него во тој период бил личен советник кој му помагал во справувањето со зависноста. Наводно, околу 18 часот советникот контактирал со „Resolutions Living“ и кажал дека Гербер е под дејство на дрога, по што добил одговор дека може да биде примен.
ТМЗ наведува дека станува збор за резиденција за опоравување, а не за класичен медицински центар за детоксикација, поради што се отвора прашањето зошто Гербер бил примен во таква состојба. Според истите извори, планот бил подоцна да биде префрлен во друга установа за третман.
Неговиот советник потоа го напуштил објектот, а извори на ТМЗ тврдат дека Гербер повторно земал дрога додека престојувал таму. Овие наводи засега се базираат на извори на медиумот.
Следното утро, околу 9:35 часот, полицијата и итната помош добиле повик за лице со срцев застој и сомнение за предозирање. И покрај обидите за реанимација, Гербер бил прогласен за мртов.
Видео:
