Судењето на српскиот државјанин, иначе градежен работник Един Д. (32), обвинет за смртта на две жени и деветгодишно девојче кои го загубија животот во судир минатата година во Германија, продолжи пред Регионалниот суд во Дармштат.
Несреќата се случила за време на првата недела од Адвент 2025 година. Обвинетиот, управувајќи „голф“ со брзина од дури 145 километри на час на место каде што ограничувањето било 50, директно удрил во „ауди“ во кое се наоѓале жртвите.
Од силата на ударот автомобилот бил исфрлен неколкуметри, а возилото било потполно смачкано. На лице место загинале Карин Ф. (66), која била зад воланот, нејзината пријателка (88) и девојчето, ќерка на соседите на Карин. Според наводите на познаниците, жените и девојчето биле на пат кон црковен фестивал што се одржувал во тој период од годината. Таму, меѓутоа, никогаш не пристигнале.
Возел дури 145 километри на час
Еден од клучните детали на судењето е брзината со која, според стручното вештачење, возел обвинетиот Србин, пишува „Билд“. На делницата на која ограничувањето било 50 километри на час, српскиот државјанин, според наодите на вештакот, достигнал дури 145 км/ч.
Како што наведуваат германските медиуми, обвинителството овој случај не го третира како класична сообраќајна несреќа од небрежност, туку како тројно убиство.
Доколку судот ја прифати оваа квалификација, на српскиот државјанин му се заканува доживотен затвор. Од друга страна, доколку одбраната успее да докаже дека станува збор за губење контрола поради избегнување пречка, максималната казна би можела да биде до пет години. Инаку, Един Д. на почетокот на судењето се бранеше со молчење. Во несреќата се здобил само со полесни повреди, додека загинаа три лица, меѓу кои и едно девојче.
Се тркал пред ударот?
За време на постапката беше отворено и прашањето дали Един Д. во моментот на несреќата евентуално учествувал во илегална улична трка.
Сведоците наведоа дека непосредно по судирот едно „ауди А6“ со голема брзина го напуштило местото на несреќата. Поради тоа, обвинителството и судот ги испитуваат сите околности што ѝ претходеле на трагедијата.
Засега, меѓутоа, останува да се утврдат сите факти и одговорноста на обвинетиот.
Се обидувале да ги извлечат
По страшниот судир, повеќе минувачи и станари од околните згради притрчале на помош. Бројни возачи ги запреле автомобилите, додека граѓаните се обидувале да ги извлечат повредените и да им пружат прва помош. Еден маж се обидел да ја реанимира Карин Ф., но, за жал, без успех.
Деветгодишното девојче во еден момент сè уште давало знаци на живот. Еден од очевидците раскажа на судењето дека девојчето го легнале на душек и се обиделе да му помогнат.
– Смртно и тешко офкаше, но за жал, му немаше спасение – наведе сведокот. Сепак, лекарите подоцна не успеале да го спасат девојчето, како ни нејзините сопатнички.
