Жителите на Нови Сад утрово биле вознемирени по несекојдневната глетка, откако превртен автомобил бил пронајден во одводен канал, а во него биле откриени три безживотни тела.
Според првичните информации, случајот бил пријавен околу 9 часот, кога до Министерството за внатрешни работи стигнала информација дека во канал на една од улиците во Нови Сад се наоѓа превртено патничко возило.
На местото веднаш пристигнале полициски екипи кои извршиле увид, а набргу се вклучиле и припадници на противпожарната служба. По интервенцијата, од автомобилот биле извлечени три тела.
Засега нема официјални информации за идентитетот на лицата кои се наоѓале во возилото, ниту пак се познати точните околности што довеле до трагичниот настан.
Надлежните служби започнаа детална истрага која треба да покаже кога се случила несреќата, како возилото излетало од патот и дали постојат дополнителни околности поврзани со случајот.
Повеќе детали се очекуваат по завршувањето на увидот и првичните анализи на истражните органи.
