Вистинска драма се одиграла во вторникот во напуштен објект во центарот на Белград, каде што двајца мажи, Н. М. (44) и Н. Ј. (41), биле брутално претепани со дрвени летви. Двајцата задобиле тешки повреди опасни по живот, вклучувајќи и крварење во мозокот, додека поради сомнение за учество во нападот се уапсени тројца мажи.
Според првичните информации, напаѓачите им задавале повеќе удари на жртвите, главно во пределот на главата, по што повредените итно биле пренесени во Ургентниот центар.
Лекарите се борат за нивните животи
Н. М. и Н. Ј. со возило на Итната помош биле пренесени во Ургентниот центар, каде што по прегледот им биле констатирани тешки телесни повреди опасни по живот, како и крварење во мозокот.
Поради сериозноста на нивната состојба, двајцата се сместени на одделот за интензивна нега, каде што лекарите деноноќно се борат за нивните животи.
Тројцата осомничени зад решетки
Белградската полиција брзо ги идентификувала и ги уапсила Н. П. (32), Б. М. (45) и С. Ш. (35), поради сомнение дека учествувале во бруталниот напад.
По налог на обвинителството, на осомничените им е одредено задржување во притвор до 48 часа.
