Смртта на девојчето Ивана Подрашчиќ (13) крие приказна не само за ѕверско убиство, туку и за тажната судбина на занемарено дете чиј живот имаше трагичен крај. „Блиц“ претходно ги објави наводите од пресудата против Дарко Костиќ (43), донесена зад затворени врати, за убиството на девојчето Ивана Подрашчиќ (13).
Пресудата на Вишиот суд во Белград ги покажува димензиите на ужасот на кој била изложена Ивана, колку биле убедливи доказите против Костиќ и колку се мали шансите човек со таков профил некогаш да се рехабилитира. Пресудата покажува дека и ова злосторство во голема мера е последица на негрижата на општеството и семејството кон девојчето.
Имајќи ги предвид изјавите на шест сведоци, обвинетиот, наодите на четворица вештаци и резултатите од увидот на лице место, судот го склопи мозаикот на страдањето на тинејџерката, која беше убиена на 31 јули 2014 година на Петлово брдо.
Дарко Костиќ и Ивана Подрашчиќ се запознале во јуни 2014 година, преку заедничка пријателка С. С., која можеби била во врска со Костиќ. Од приказната ја знаел како „Ивана тебра“. Девојчето С. С., кое ја запознало Ивана две години порано и со кое била многу блиска (како со сестра), му јавило на Костиќ дека Ивана ја побарала на телефон и рекла дека сака да се убие, да скокне од мост. Ова не бил прв крик за помош на мала Ивана. И порано ѝ се жалела на пријателката поради, како што велела, тортурата бидејќи мајка ѝ и сестра ѝ ја тепале.
Длабоко несреќното дете имало проблеми и во училиште. Учениците ѝ се потсмевале бидејќи имала „поскинати патики“. Таткото на Ивана сведочеше дека на Ивана ѝ велеле дека го „расипува просекот“ на одделението, како и дека во училиштето нема пријатели. Мајката на Ивана рекла дека С. С. е „многу паметно девојче“ и дека е лага дека таа ја напаѓала својата ќерка.
Откако ја одвратиле од самоубиство, Дарко и С. С. прошетале низ градот со Ивана и ја смириле. Во текот на јуни и јули, Ивана и Дарко се виделе неколку пати — некогаш во друштво на С. С., а некогаш насамо.
Девојчето С. С. и Костиќ многу пати се карале: последниот пат С. С. побегнала од него кога во куќата на ужасот ја врзал, ѝ удрил шлаканица и ѝ се заканувал со ашов со кој подоцна ќе ја убие Ивана.
Живеел на гробишта
Откако првпат бил пуштен од затвор, Костиќ во Белград живеел по паркови, гробишта и на улица. Во времето кога ја запознал С. С. успеал да се скуќи: неговиот брат Мија му кажал за напуштена куќа во улицата „11. крајишке дивизије“ на Петлово брдо, која тој ја окупирал и делумно ја реновирал. Таму во јули го сретнал и сопственикот на земјиштето на кое се наоѓа куќата, А. Д. Сопственикот сведочел дека најпрво сакал да го изрка Костиќ, но дека го пуштил да остане во текот на летото.
Според исказот што Костиќ му го дал на полицијата по апсењето, а кој подоцна го негирал, Ивана тој 31 јули му се јавила и побарала да се видат „за да пијат“. Тој ја чекал на крајната автобуска станица на линијата 56 и ја одвел дома. Се сомневало дека таму ја силувал.
По односот, Ивана, според наводите на убиецот, почнала „да дивее“: го удирала, хистеризирала, го гребела. Се обидел, раскажува убиецот, да ја смири, но не успеал, па со ашов ја удрил во главата. Потоа, наводно, се обидел да ја оживее, ја повикувал, но залудно. Потоа заминал до продавница, а кога се вратил, таа сè уште лежела во локва крв.
Го мотал нејзиното тело во ќебе, ја однел до потокот, фрлил неколку сунѓери преку неа и си заминал. Се упатил во улицата „Цвијиќева“ кај братот С. А., кому му кажал дека во самоодбрана удрил некој човек, но дека мисли дека не го убил.
Братот на Дарко одбил да оди со него за да провери што е со тој човек, бидејќи не сакал да има работа со такви работи. Братот, впрочем, и не го сакал — сметал дека е лажго и насилик.
Убиецот се фалел дека двапати го поминал полиграфот
Убиството на Ивана Подрашчиќ можеби никогаш немаше да биде решено доколку девојката К. К., иначе сопруга на еден од роднините на Костиќ, не пријавила во полиција дека Дарко ја силувал во куќата на Петлово брдо. Во тој момент исчезнувањето на Ивана веќе одамна било пријавено во полиција, но никој не знаел каде е. Меѓутоа, К. К. ја одвела полицијата до куќата, по што следувало апсењето на Костиќ и пронаоѓањето на телото на Ивана.
Самниот Костиќ пред судот открил дека двапати го поминал полиграфот на кој бил тестиран во својство на граѓанин кој можеби е поврзан со исчезнувањето на Ивана, а со тоа ѝ се фалел и на С. С., која му порачала дека ќе го убие ако ѝ направил нешто на Ивана.
Доказите што форензичарите ги пронашле во улицата „11. крајишке дивизије“ биле одлучувачки за Костиќ да биде сместен зад решетки. Телото на девојчето било пронајдено во шумичката, на осум метри од куќата, во состојба на распаѓање.
Фото: O. Bunić / RAS Srbija +4 Галерија На местото на стравот и ужасот Ивана ги поминала последните часови од мачниот живот: Куќата во која е убиено девојчето
Телото било идентификувано со споредување на ДНК од коската на девојчето со ДНК од нејзината сестра. Замотана во тепих и две ќебиња, рацете на Ивана биле врзани со розево-црна трака. Била облечена во панталони, дуксерка со качулка и блуза на прерамки. На ногата имала една чорапа и една патика.
Вештачењето на повредите што ги здобило девојчето го потврдило сценариото за убиството. Ивана била удена со тап, метален предмет во потилкот. Веднаш потоа паднала со лицето кон земјата. Костиќ потоа застанал над неа и ја удрил уште двапати: уште еднаш во потилкот и еднаш во вилицата.
Во куќата, помеѓу ормарот и креветот, бил пронајден и ашовот со траги од крв. Траги од крв биле пронајдени и во куќата и пред неа. И покрај сè, Костиќ останал на тоа дека е невин. Не покажал каење.
Дебело досие
Дарко Костиќ имал дебело криминално досие.
Како помлад полнолетник, Костиќ бил осуден на седум години бидејќи заедно со еден соучесник во 1993 година убил стара жена во Белград.
Потоа бил осудуван за силување во 2001 година, за што бил осуден на три и пол години затвор.
По издржувањето на казната, повторно му била изречена затворска казна поради ново силување што го извршил.
Освен за силување и убиство, лежел во затвор и поради грабежи и разбојништва.
