Кибер полицијата при Дирекција за спречување на перење пари и борба против тероризам спроведе акција во Бугарија, при што беа приведени лица осомничени за испраќање фишинг пораки во име на Министерство за внатрешни работи на Бугарија, институции и курирски компании.
Акцијата, која се одвиваше во Софија и околината, следуваше по бројни поплаки од граѓани кои биле измамени преку лажни пораки испратени преку мобилни оператори, апликации и социјални мрежи.
Во измамата, сторителите испраќале пораки за наводни сообраќајни прекршоци и неплатени казни, повикувајќи ги примателите да кликнат на линк за „плаќање со попуст“. Преку овие линкови се краделе лични податоци и банкарски информации.
Приведени се две лица на возраст од 30 и 35 години, кои се соочуваат со казна затвор до шест години, како и парична казна до 6.000 лева.
Од Министерство за внатрешни работи на Бугарија информираат дека истрагата продолжува, а се очекуваат и нови акции за откривање на други инволвирани во оваа измамничка мрежа.
Надлежните апелираат до граѓаните да бидат внимателни и да не отвораат сомнителни линкови, особено кога пораките се претставуваат како официјални институции.
