Британскиот актер Мајкл Бирн, кој остави длабока трага во светот на филмот, телевизијата и театарот, почина на 82-годишна возраст. Веста за неговата смрт предизвика бран реакции и пораки на сочувство од колеги и обожаватели ширум светот.
Бирн зад себе остави кариера долга повеќе од шест децении, исполнета со бројни незаборавни улоги. Публиката особено го памети како полковникот Фогел во култниот филм „Индијана Џонс и последниот крстоносен поход“, а се појави и во франшизата „Хари Потер“, каде во филмот „Хари Потер и Реликвиите на смртта – Дел 1“ го толкуваше ликот на Гелерт Гринделвалд.
Остави силен печат и на телевизија
Голема популарност стекна и со улогата на Тед Пејџ во познатата британска серија „Coronation Street“, каде од 2008 до 2010 година го играше одамна исчезнатиот татко на Гејл Плат и поранешен партнер на Одри Робертс.
Гледачите особено ја паметат емотивната сцена во која неговиот лик ја испраќа својата ќерка до олтарот.
Кариера исполнета со легендарни филмови
Актерската кариера ја започнал во шеесеттите години на театарската сцена, каде настапувал заедно со легендарни имиња како Меги Смит и Роберт Стивенс.
Покрај „Индијана Џонс“ и „Хари Потер“, настапи и во бројни успешни филмови, меѓу кои „Храбро срце“, филмот за Џејмс Бонд „Утре никогаш не умира“, „The Eagle Has Landed“, „A Bridge Too Far“, „The Medusa Touch“, „The Saint“, „The Sum of All Fears“ и „Gangs of New York“.
Во текот на кариерата се појави и во популарните телевизиски серии „Casualty“, „A Touch of Frost“ и „Sharpe“.
Се повлече од актерството во 2018 година
Последниот театарски настап го имал во 2018 година, по што се повлече од актерската професија.
Зад себе ги остави сопругата Керол, двете ќерки и трите внуци.
Неговата смрт претставува голема загуба за филмската индустрија, а многумина ќе го паметат како актер кој со својот талент остави траен белег во бројни филмски, телевизиски и театарски остварувања.
