Странски државјанин бил приведен на граничниот премин „Ќафасан“, откако при гранична контрола бил откриен со фалсификувани документи со кои, според полицијата, се претставувал како италијански државјанин.
На 18 септември 2026 година, околу 17:30 часот, полициски службеници извршиле контрола на Ф.Ш. (38), кој со патничко возило „мерцедес“ со кумановски регистарски ознаки се обидувал да ја напушти Македонија.
При проверката било утврдено дека тој приложил фалсификувана патна исправа, возачка дозвола и лична карта. Според утврденото, со овие документи се претставил како државјанин на Италија.
Ф.Ш. бил лишен од слобода, а за случајот бил консултиран јавен обвинител.
По целосното документирање на настанот, против него е поднесена кривична пријава по член 378 од Кривичниот законик, за кривично дело „фалсификување исправа“.
