Три лица се повредени во тешка сообраќајна несреќа што се случила вчера околу 5 часот наутро, на самиот излез од Мајданпек, кога автомобил, од засега непознати причини, излетал од коловозот и паднал во провалија.
Според првичните и неофицијални информации, возилото паднало од височина од околу 20 метри. Снимка од надзорна камера го покажува моментот кога автомобилот се движи по патот, по што ненадејно излетува, се превртува неколкупати во воздух и на крај останува заглавен на литицата.
Повредените биле пренесени во Општата болница во Мајданпек, каде им била укажана лекарска помош. Засега не се објавени информации за тежината на нивните повреди.
Надлежните органи вршат истрага за да ги утврдат причините и околностите под кои дошло до несреќата.
