Пожар избувнал рано утринава во стан на улицата „Разлошка“ во населбата Скопје, на подрачјето на Гази Баба, информира полицијата.
Според пријавата во СВР Скопје, пожарот настанал околу 05:54 часот во стан во кој како потстанар живеела 22-годишната Х.С. од Скопје.
Причина за пожарот, според првичните информации, била запалена свеќа. Во инцидентот девојката се здобила со повреди на раката, кои ѝ биле констатирани во Ургентниот центар при комплексот клиники „Мајка Тереза“.
Од Бригада за противпожарна заштита Скопје информираат дека пожарот бил навреме изгаснат, а увид на местото извршила екипа на СВР Скопје.
