Во Белград, 45-годишен маж се здобил со тешки повреди откако на приватна прослава скокнал во празен базен, мислејќи дека е наполнет со вода.
Според информациите, несреќата се случила во двор на приватна куќа каде што се одржувала забава. Мажот, кој бил гостин на настанот, погрешно проценил дека базенот е подготвен за користење и скокнал во него.
Во моментот на инцидентот, според неофицијални информации, тој бил под дејство на алкохол, но не биле пронајдени траги на забранети супстанции во неговата крв.
По несреќата, веднаш била повикана итна медицинска помош, а повредениот бил пренесен во Ургентниот центар. Лекарите констатирале сериозни повреди, вклучувајќи повреди на главата, рбетот, повеќекратни скршеници и рани по телото.
Пациентот е задржан на болничко лекување и, според лекарските информации, се наоѓа во критична состојба.
