Полицијата во Лесковец ја уапсила М.К. (45) од околината на градот, под сомнение дека предизвикала пожар во дворот на куќа во сопственост на маж, со што сторила кривично дело „предизвикување општа опасност“.
Според информациите на српското Министерство за внатрешни работи, инцидентот се случил на 28 мај во вечерните часови, кога осомничената наводно со употреба на отворен пламен предизвикала пожар во дворот на оштетениот.
Огнот брзо се проширил и зафатил една просторија од куќата, како и дел од патничко возило кое се наоѓало во имотот.
По преземените мерки и истрага, полицијата ја лишила од слобода осомничената, која со кривична пријава е спроведена во Основното јавно обвинителство во Лесковец.
Надлежните институции продолжуваат со утврдување на сите околности поврзани со случајот.
