Повеќе лица се повредени при експлозија што се случила во фабрика за целулоза и хартија во Лонгвју, во американската сојузна држава Вашингтон.
Инцидентот се случил во фабриката „Нипон“, каде што дошло до силна детонација, при што неколку лица се здобиле со повреди. Засега не е соопштен точниот број на повредени, а надлежните служби работат на утврдување на причините за несреќата.
Локалните власти упатија апел до жителите да го избегнуваат подрачјето околу фабриката додека трае интервенцијата и проценката на состојбата на терен.
Објектот се наоѓа во близина на реката Колумбија, која претставува природна граница меѓу сојузните држави Вашингтон и Орегон.
Повеќе информации се очекуваат по завршување на истрагата и официјалните извештаи од надлежните институции.
