Инцидент со елементи на сериозно насилство бил пријавен до СВР Скопје по концерт одржан во спортскиот центар „Јане Сандански“. Според официјалната пријава, на 27.12.2025 година во 00:20 часот, К.С. (39) од Скопје се обратил до полицијата, наведувајќи дека неколку часа претходно бил физички нападнат.
Како што е пријавено, на 26.12.2025 година околу 22:10 часот, за време на концертот, К.С. бил нападнат од лицето Д.К., кое, според неговите наводи, му се заканувало со остар предмет. Во нападот учествувало и уште едно машко лице, кое употребило боксирач, со што ситуацијата добила дополнително опасна димензија.
Од Министерството за внатрешни работи информираат дека се преземаат сите потребни мерки и активности за целосно расчистување на случајот, утврдување на сите околности и идентификација на инволвираните лица.
