Со голема тага и неверување, академската и стоматолошката заедница во Скопје денеска се простува од проф. д-р Катарина Дирјанска, редовен професор на Универзитет „Св. Кирил и Методиј“ – Стоматолошки факултет, која ненадејно починала на 16 мај 2026 година.
Веста за нејзиното заминување беше објавена преку официјално соопштение, во кое се наведува дека професорката „тивко и ненадејно“ го напуштила овој свет, оставајќи зад себе длабока празнина меѓу студентите, колегите и сите што ја познавале.
Посмртните останки ќе бидат изложени утре, 17 мај, во капелата на градските гробишта Бутел, во периодот од 13:30 до 14:30 часот, каде блиските, колегите и пријателите ќе можат да ѝ оддадат последна почит.
Социјалните мрежи се преплавени со емотивни пораки и збогувања, во кои Дирјанска се опишува како исклучителен човек, посветен професор и искрен пријател. Многумина ја паметат по нејзината топлина, професионалност и несебична посветеност кон студентите и професијата.
Нејзината смрт предизвика огромна тага на Стоматолошкиот факултет, каде што важеше за ценет и почитуван член на академската заедница, кој остави неизбришлива трага во образованието и стоматологијата во Македонија.
