Истрагата за исчезнувањето на Александар Нешовиќ, познат по прекарот Бaja, добива нова димензија по серијата апсења и откритија што ги направи полицијата во Белград.
По наредба на Вишото јавно обвинителство, припадници на криминалистичката полиција и единици за борба против организиран криминал уапсиле 50-годишен сопственик на локал на Сењак, каде што исчезнатиот последен пат бил виден.
Осомничениот се товари дека по настанот не го пријавил кривичното дело и дека му помагал на сторителот, додека истрагата продолжува да утврдува што точно се случило вечерта кога Нешовиќ исчезнал.
Според досегашните информации, во локалот биле пронајдени чаури од огнено оружје и траги од крв кои, како што се наведува, му припаѓаат на исчезнатиот маж. Овие докази дополнително ја зацврстуваат сомнежната верзија дека во просторијата се случило насилство непосредно пред неговото исчезнување.
Полицијата претходно потврди дека Нешовиќ последен пат бил во контакт со својата вонбрачна сопруга, по што неговиот телефон се исклучил и од тој момент му се губи трагата.
Во рамки на истрагата се испитуваат и неговите претходни врски со криминални групи, додека надлежните органи продолжуваат со интензивна потрага и анализа на сите докази со цел целосно расветлување на случајот.
