На 11.05.2026 година, во вечерните часови околу 19:50, во Штип, полициски службеници од Отсекот за криминалистичка полиција при СВР Штип привеле 65-годишен маж со иницијали А.Ш.
Според сомневањата на надлежните, тој во својство на управител на еден образовен центар во градот, подолг временски период за време на дополнителна настава недолично се однесувал кон неколку малолетни ученички, при што се пријавени сериозни инциденти.
Случајот бил откриен откако родители, заедно со самите ученички и претставници од Јавната установа – Меѓуопштински центар за социјални работи од Штип, го пријавиле случајот во полиција.
По пријавата, надлежните органи постапиле веднаш и со судска наредба извршиле претреси во домот на осомничениот, како и во просториите на образовниот центар каде што работел. При претресите биле одземени предмети кои ќе бидат предмет на понатамошна анализа и постапка.
Осомничениот бил задржан во полициска станица, а по целосно документирање на случајот против него е поднесена кривична пријава. Дополнително, судија на претходна постапка му одредил мерка притвор во траење од 30 дена.
Истражните органи продолжуваат со активности за целосно расчистување на случајот.
