Во Холандија се случија два одвоени инциденти со огнено оружје, кои ја вознемирија јавноста. Првиот инцидент се случил во населбата Гелдерсхофд во Ротердам, каде 27-годишен маж бил повреден од огнено оружје. Според информациите од холандскиот јавен сервис НОС, напаѓачот побегнал со мал автомобил и полицијата интензивно трага по него.
Неколку часа по овој настан, полицијата регистрирала втор случај на пукање – овој пат во еден преполн парк во Амстердам. Според сведоците, се слушнале повеќе истрели, а потоа бил забележан маж со пиштол како трча во правец на улицата Шпарндамерстрат. На местото на инцидентот, истражителите пронашле пет чаури.
И покрај присуството на голем број луѓе во паркот, среќна околност е што никој не бил повреден. Полицијата засега не соопштила дали постои поврзаност меѓу двата настана. Истражната постапка е во тек, а органите на редот продолжуваат со интензивна потрага по сторителите.
