Во пристаништето во Лос Анџелес денеска се избил пожар на бродот „Уан Хенри Хадсон“, кој превезувал опасни материјали. Сите 23 членови на екипажот се извлечени и нема повредени, соопшти противпожарната служба на Лос Анџелес.
Пожарот, кој според првичните информации започнал под палубата, се проширил на повеќе нивоа на бродот, а подоцна се случила и експлозија на средината на палубата. Засега не е јасно како точно започнал инцидентот.
Повеќе од 100 пожарникари се ангажирани на теренот, а градоначалничката на Лос Анџелес, Карен Бас, истакна дека компании за опасни материјали го следат квалитетот на воздухот додека пожарот е во процес на локализација.
Бродот, долг 336 метри, го управува компанијата „Уан Оушн Експрес“ со седиште во Сингапур. Пред пристигнувањето во Лос Анџелес, бродот имал станици во Јапонија – Кобе, Нагоја и Токио. Компанијата засега не дала официјален коментар за инцидентот.
