Првиот авион на Владата на Србија со повредените во тешката сообраќајна несреќа во Црна Гора слета на аеродромот „Константин Велики“ во Ниш. Со летот биле пренесени тројца повредени пациенти и еден родител во придружба, кои веднаш биле упатени на лекување во Универзитетскиот клинички центар (УКЦ) Ниш.
Директорот на УКЦ Ниш, д-р Милан Лазаревиќ, изјави дека еден од пациентите е тешко повреден и бил транспортиран во лежечка положба, додека останатите биле во стабилна состојба за време на летот.
Во текот на денот е планирано во Србија да бидат префрлени вкупно седум повредени лица, а за транспортот е ангажиран медицински тим составен од 10 лекари од различни специјалности.
Најтешко е состојбата на најмладиот пациент, кој, според директорот на УКЦ Ниш, е животно загрозен и се наоѓа на механичка вентилација. Поради сериозноста на повредите, тој засега не е предвиден за транспорт и ќе остане на лекување во Црна Гора додека неговата состојба не се стабилизира.
Од УКЦ Ниш упатија благодарност до здравствените работници во Црна Гора, истакнувајќи дека повредените добиле навремена и професионална медицинска помош по несреќата што се случи при враќањето на група патници од поклонничко патување во манастирот Острог.
