Земјотрес со магнитуда од 4,8 степени според Рихтеровата скала денеска го погоди источниот дел на Романија, соопшти Европско-медитеранскиот сеизмолошки центар (ЕМСЦ).
Според објавените податоци, епицентарот на земјотресот бил на длабочина од 130 километри под површината на Земјата.
Засега нема информации за евентуално повредени лица, ниту за материјална штета предизвикана од потресот.
