Познатиот српски змијоловец Владица Станковиќ и неговото здружение „Поскок“ уште еднаш докажаа дека за нив нема невозможна мисија – само што овој пат опасноста не лазеше, туку леташе.
Иако јавноста е навикната да го гледа Владица како со голи раце, смирено и професионално вади отровни змии, смокови и други влекачи од темели на куќи, мотори на автомобили, па дури и од плакари ширум Србија, неговата последна интервенција беше со сосема поинаков предизвик. Најновата снимка докажува дека дејноста на овие хуманитарци и заштитници на природата се прошири на уште една, исто толку опасна територија – отстранување на гнезда од стршлени.
Позивот за помош овојпат стигнал од сопственици на куќа кои на својот таван забележале необично голема активност. Кога екипата се качила во поткровјето, имала што да види – огромно гнездо на стршлени кое изгледало како сценографија за хорор филм.
За разлика од интервенциите со змии, каде што Владица неретко реагира без преголема заштита, потпирајќи се на своето искуство и брзи рефлекси, борбата со стршлените бараше специјално „космонаутско“ одело за максимална заштита од опасните убоди.
Отстранувањето на ова огромно гнездо е само уште еден доказ за подготвеноста на екипата од „Поскок“. Без разлика дали станува збор за змија на куќниот праг или за рој стршлени на таванот, тие уште еднаш покажаа дека пристигнуваат на првата линија секаде каде што е загрозен човечкиот живот.
