Српскиот претседател Aleksandar Vučić денеска на состанок во Bajina Bašta реагираше на изјавата на хрватскиот претседател Zoran Milanović, кој порача дека „Вучиќ треба да внимава што зборува“.
„Сите овие години се обидував да ја заштитам независноста и суверенитетот на нашата земја и да носиме важни одлуки. Милановиќ денес рече: ‘Вучиќ треба да внимава што зборува’. Јас се викам Александар Вучиќ и сум претседател на Србија – претседателот на Хрватска нема да диктира што ќе кажам. Ниту некој друг, никогаш“, изјави Вучиќ.
Тој додаде дека Србија сака мир и подобри односи со Хрватска, но дека нема да дозволи некој однадвор да диктира што треба да зборува српското раководство.
„Сакаме многу подобри односи. Но, ако ќе ни кажете да внимаваме што правиме и зборуваме – тоа нема да може. Мојата порака е: ‘Внимавајте што правите’. Јас одамна не слушам што говорите. Го избрав патот на мирот и стабилноста за нашата земја и ќе продолжиме да го чуваме“, рече Вучиќ.
Тој истакна дека српскиот народ одлучува кој ќе ја води државата, а не други земји или политичари.
