Полицискиот службеник Б. Ж. (43), неговата сопруга Д. К. (38) и нивниот деветгодишен син загинаа во страшна сообраќајна несреќа синоќа во Нов Белград. Несреќата се случила кога Н. Ѓ. (24), под дејство на алкохол, поминал на црвено светло со својот Ауди и удрил во „Хјундаи“ во кој се наоѓало семејството.
Очевидци за Курир.рс опишуваат дека ударот бил толку силен што возилото било целосно згмечено, а семејството загинало на самото место. Аудито, по судирот, се завртело неколку пати пред да запре, додека возачот преживеал со полесни повреди.
„Беше ужасно! Семејството во Хјундаи полека свртуваше на раскрсницата кога Аудито удри од страна со голема брзина. Силата на ударот ги фрли кон столб, а автомобилот беше целосно уништен“, изјави очевидецот.
Шокантно, деветгодишното дете од задното седиште било фрлено во багажникот од силата на ударот. Луѓето кои пристигнале на местото на несреќата веднаш се обиделе да помогнат, но за жал сите тројца во Хјундаи биле мртви на самото место.
Полициската истрага е во тек, а возачот на Аудито е уапсен и се очекува да биде обвинет за предизвикување смрт поради несовесно и алкохолизирано возење.
