По налог на дежурниот јавен обвинител, одредена е мерка притвор за осомничениот И. П. од Бор, претседател на Фудбалскиот клуб „Бор 1919“, поради постоење основи на сомнение дека извршил продолжено кривично дело „Злоупотреба на службената положба на одговорно лице“, и за осомничениот Н. Б. од Крушевац, генерален секретар на клубот, поради постоење основи на сомнение дека извршил кривично дело „Злоупотреба на службената положба на одговорно лице“, додека останатите, долунаведени лица се уапсени од страна на полициските службеници на МВР на РС, УКП ОБПК (Управа за криминалистичка полиција, Оддел за борба против корупцијата).
- Осомничените И. П. и Н. Б. се товарат дека како одговорни лица на Фудбалскиот клуб „Бор 1919“ од Бор, во периодот од 09.03.2026 до 13.05.2026 година, заеднички, со пречекорување на границите на своите овластувања, склучувале фиктивни договори за ангажман со осомничените фудбалери Н. Ш., М. Ц., Н. И., П. М. и Д. М. како резервни играчи и истите ги регистрирале во информацискиот систем на Фудбалскиот сојуз на Србија „Комет“, иако знаеле дека наведените лица воопшто нема да настапуваат за фудбалскиот клуб. Тие ги запишувале во електронските записници од натпреварите како членови на составот, во што со умисла им помогнале осомничените фудбалери со создавање услови за извршување на кривичното дело, потпишувајќи ги наведените договори врз основа на кои примиле парични износи на име плата на своите тековни сметки за натпревари на кои никогаш не настапиле. На тој начин на именуваните фудбалери им е прибавена противправна имотна корист во вкупен износ од 1.474.457,00 динари, а во истиот износ е нанесена штета на клубот – се наведува во соопштението.
Како што се додава, на осомничениот И. П. му се става на товар и дека на 12.09.2025 година, со намера да прибави противправна имотна корист за осомничениот Д. К., со пречекорување на границите на своето овластување, со именуваниот склучил фиктивен договор за давање услуги за тренирање на фудбалерите на ФК „Бор 1919“ во претприемничката теретана „Grizzly gym 019“, која е во сопственост на Д. К. и која е основана само 3 дена пред склучувањето на договорот, на вредност од 240.000,00 динари.
„Притоа, осомничениот Д. К. помогнал во извршувањето на делото така што потпишал фиктивен договор, доставил придружна документација-фактура како услугите да се дадени, а за кои е извршено плаќање од сметката на ФК „Бор 1919“ на сметката на наведената теретана во означениот паричен износ, иако знаел дека фудбалерите воопшто не ги користеле тие услуги“, се наведува понатаму.
Исто така, се додава и дека осомничениот И. П., во временскиот период од 01.01.2025 до 31.12.2025 година, спротивно на членовите 49 и 67 од Статутот на Фудбалскиот клуб „Бор 1919“, без законски основ и Одлука на Управниот одбор на клубот, вршел исплати на позајмици на поединечни играчи, правни лица и трети лица кои не се членови на клубот. За овие исплати привидно да ги легализира, тој дополнително составувал ретроактивни Одлуки на Управниот одбор за позајмици со невистинита содржина, на кој начин на клубот му нанел штета во вкупен износ од 2.308.000,00 динари.
