Осумнаесетгодишна девојка го загубила животот во тешка сообраќајна несреќа што се случила вчераутро на автопатот А1 кај Јастребарско, Хрватска.
Несреќата се случила околу 9 часот на делницата меѓу клучките Јастребарско и Доња Зденчина, во правец кон Загреб. Девојката управувала автомобил „БМВ“, иако немала положено возачки испит.
Според полицискиот извештај, таа се движела по левата сообраќајна лента и не држела доволно растојание од возилото пред неа. Во обид да избегне судир, нагло свртела налево и со предниот дел од автомобилот удрила во задниот дел од „Опел Астра“ со унгарски регистарски таблички, управуван од 56-годишен државјанин на Унгарија.
По ударот, „БМВ“-то излетало од коловозот на зелената површина, каде удрило во заштитна ограда и две дрвја, по што запрело.
Младата возачка починала на местото на несреќата. Нејзиното тело било пренесено во Заводот за судска медицина и криминалистика во Загреб.
Поради полицискиот увид, јужната коловозна лента на автопатот А1 во насока кон Загреб била затворена за сообраќај кратко време во текот на денот.
