Илија Срдановиќ, првиот кандидат на Студентската листа во Србија, се огласи преку својот профил на Инстаграм и упати апел до граѓаните да останат смирени и да не прибегнуваат кон каков било облик на насилство.
Неговата порака доаѓа во период на зголемени политички тензии по одржувањето на изборите во Србија, додека се очекува официјалното прогласување на изборните резултати.
„Почитувани сограѓани, ве молам да останете до крај, но и понатаму, мирни и достоинствени, какви што бевте досега. Изборите сè уште не се завршени, изборните резултати не се прогласени. Мораме да останеме достоинствени до крај“, порача Срдановиќ.
Студентското движење повика на ненасилство
Во своето обраќање тој посебно ја нагласи важноста од избегнување какви било насилни постапки, апелирајќи граѓаните да покажат одговорност и трпение.
„Тоа од вас го бара вашата Студентска листа и вашето студентско движење. Да живее Србија!“, истакна Срдановиќ.
Со оваа порака, претставникот на Студентската листа испрати јасен повик политичките разлики и постизборните тензии да не прераснат во насилство.
Срдановиќ нагласи дека изборниот процес сè уште не е официјално завршен и дека граѓаните треба да го зачуваат мирот до конечниот исход.
