Во тешка сообраќајна несреќа што се случи утрово околу еден часот по полноќ во Нов Белград, трагично загинаа татко, мајка и нивното десетгодишно дете. Според српските медиуми, несреќата се случила кога возач на „Ауди“ со голема брзина поминал на црвено светло и директно удрил во автомобилот во кој се наоѓало семејството.
Силниот удар бил фатален — сите три лица починале на самото место.
Очевидци опишуваат сцена каква ретко се гледа. „Сум видел многу несреќи, но ова е нешто најстрашно што може човек да го замисли,“ изјавил еден од сведоците, видно потресен од ужасниот призор.
Две други лица се повредени и се пренесени во Ургентниот центар.
Полицијата и обвинителот веднаш излегле на терен, а сообраќајот во делот меѓу улиците „Омладинских бригада“ и „Николе Добревиќа“ бил целосно запрен за време на увидот.
Регионов е во шок по оваа страшна трагедија која одзеде три животи во еден миг поради непочитување на сообраќајните правила.
