Хрватска од 12 октомври воведе нови правила за патување, кои важат и за граѓаните на Северна Македонија. На граничните премини се применува новиот Европски систем за влез и излез (EES), кој овозможува електронска евиденција на влезовите и излезите од ЕУ и ја зајакнува безбедноста на границите.
Сите патници од земјите од Западен Балкан, меѓу кои и Македонија, мора да користат посебно означени ленти за EES, а обидот да се поминат лентите за граѓани на ЕУ може да резултира со парична казна. Првите денови од примената предизвикаа долги редици и конфузија, па властите ги повикуваат патниците да планираат дополнително време и да ги следат ознаките и инструкциите на граничните премини.
Хрватска, како прва членка на ЕУ која го тестира системот, ќе биде модел за постепена примена на EES на сите надворешни граници на Европската Унија.
