Основното јавно обвинителство во Врање потврди дека му е укинат притворот на мажот У.С. (76), кој се товари за недозволени полови дејствија врз 11-годишно девојче.
Според информациите од обвинителството, случајот бил пријавен во полицијата во понеделникот, на 22 јуни.
„Следниот ден, осомничениот беше сослушан во Окружниот затвор во Врање, по што притворот му е укинат. Против осомничениот се изречени итни мерки за забрана на приближување и комуникација со оштетената, а постапката ќе продолжи пред надлежното обвинителство“, соопштуваат од Основното јавно обвинителство.
Според претходните сознанија, полицијата во Врање го уапсила постариот жител на градот под сомнение дека извршил кривично дело „недозволени полови дејствија“ врз дете.
Настанот се случил во куќата на осомничениот маж, а случајот во полиција го пријавило семејството на детето, откако тоа им раскажало што се случувало кај нивниот познаник.
