Голем пожар избувна денеска во магацин за гуми на улицата „Д-р Фрањо Туѓман“ во општина Света Недела, Хрватска. Густ црн чад се издига над градот и е видлив дури од Загреб и Самобор.
На терен се повеќе екипи на противпожарната служба од Света Недела, а поради интензитетот на пожарот им се приклучија и пожарникари од соседните места. Магацинот се наоѓа во близина на вилата Хото, а целата околина е блокирана заради безбедност.
Засега нема информации за повредени, но пожарникарите апелираат граѓаните да избегнуваат движење во близина поради можност од вдишување на штетен чад. Причините за избувнувањето на пожарот сè уште се истражуваат.
