Голем шумски и земјоделски пожар избувна во централна Грција, во областа Плажа Пеласгија кај општината Стилида, предизвикувајќи масовна интервенција од противпожарните служби.
Огнената стихија се појавила во ниска вегетација и брзо се проширила поради силните ветрови што дуваат во регионот, што дополнително ја отежнува работата на екипите на терен.
Грчките власти веднаш мобилизираа голем број сили – околу 30 пожарникари, специјална пешадиска единица, 10 противпожарни возила, како и два авиони и еден хеликоптер кои постојано исфрлаат вода врз жариштата.
Иако пожарот засега е далеку од населени места и не претставува директна закана за инфраструктурата, ситуацијата се следи од минута во минута поради ризик од неконтролирано ширење.
Дополнително, во акцијата се вклучени и цистерни од локалните самоуправи, додека дронови со термални камери ја следат состојбата од воздух и помагаат во насочување на екипите.
На терен е испратен и истражен тим кој треба да утврди дали има индиции за подметнување, што дополнително ја зголемува сериозноста на случајот.
Пожарот доаѓа во период на зголемен ризик од огнени стихии во регионот, а властите предупредуваат дека поради силниот ветер, ситуацијата може брзо да се промени.
