Вистинска спасувачка драма се одвивала во Овчар Бања, каде пожарникари-спасувачи успешно извлекле дете кое се искачило на непристапна карпа висока околу 15 метри, во близина на манастирот „Преображение“.
Според информациите, детето дошло со своите родители во манастирот по повод празникот Преображение. Во еден момент се оддалечило од нив и се искачило на стрмната карпа, по што била побарана итна помош.
Пред пристигнувањето на спасувачките екипи, двајца монаси се обиделе да му помогнат на детето, што дополнително ја отежнало акцијата, бидејќи било неопходно безбедно да бидат евакуирани сите тројца.
Со употреба на специјализирана спасувачка опрема, пожарникарите успеале безбедно да ги симнат детето и двајцата монаси, без никој да биде повреден.
Во знак на благодарност за успешно изведената акција, еден од монасите им подарил икона на пожарникарите, како симбол на признание за нивната пожртвуваност и професионална интервенција.
