Денеска во Нови Сад се одржува комеморативен собир пред Железничката станица, по повод одбележувањето на годишнината од падот на кобната настрешница во која животот го загубија повеќе лица.
По тој повод, студентските организации упатија јавен повик до сите граѓани масовно да се обединат и да излезат на улиците, организирајќи се на три различни локации низ градот. Собирот има за цел да им оддаде почит на жртвите, но и повторно да потсети на одговорноста на надлежните институции за оваа голема трагедија.
Полициските и безбедносните служби се на терен, а собирите продолжуваат со мирни протестни и комеморативни активности.
