Црногорската полиција објави дека во голема акција со кодно име „Трново“, во местото Трново кај Бар, е откриена досега најголемата плантажа со марихуана во земјата.
👉 При претресот биле пронајдени 8 парцели со околу 13.100 садници канабис, опремени со системи за наводнување, современа технологија за одгледување и обезбедување, што укажува на високо ниво на организација.
На лице место биле затекнати и уапсени:
- Златко Мараш (40) од Зета
- Драган Перовиќ (65) од Бар
Полицијата извршила претрес и на неколку куќи и возила поврзани со осомничените, при што се пронајдени дополнителни докази кои ќе бидат вештачени.
Двајцата се товарат за недозволено производство, држење и пуштање во промет наркотични дроги, а обвинителството во Подгорица го води случајот.
Од Управата на полицијата нагласуваат дека оваа акција е доказ за нивната одлучност во борбата против организираниот криминал и заштитата на граѓаните.
